"Telegram" messencerinin yaradıcısı Pavel Durov öz kanalında həştəq axtarış funksiyasının işə salındığını elan edib.
Redaktor.az xəbər verir ki, yenilik bu hashtagların göstərildiyi bütün ictimai kanallarda mesajları axtarmağa imkan verəcək. Hələlik həştəqlərdən istifadə edərək axtarış bir kanalla məhdudlaşır.
Durov bildirib ki, bu ayın sonunda bir həştəq üzərinə kliklədiyiniz zaman ictimai "Telegram" kanallarında onların qeyd olunduğu bütün yazılar göstəriləcək.
Messencerin əvvəlki əsas yenilənməsi bu ilin martında baş verib. Daha sonra iş adamı platformada biznes hesabları yaratmaq və süni intellektin köməyi ilə işləyən söhbət botlarını əlavə etmək imkanı yaratdığını bildirib.
Daha əvvəl sahibkar əmin olduğunu bildirib ki, messencerin auditoriyası il ərzində milyard insanı keçməlidir. "Hazırda proqram 900 milyon dəfə yüklənib və istifadəçilərin cəlb edilməsinə bir dollar da xərclənməyib", - biznesmen qeyd edib.
Eyni zamanda nəhəng "Apple" və "Google" "Telegram"a ən böyük təzyiq göstərir. Durov deyib ki, bu şirkətlərin hər ikisi smartfonlardan istifadə edərək hər şeyi senzura etmək iqtidarındadır. Sahibkar bildirib ki, onlar, həmçinin, "Telegram"ın müəyyən etdikləri qaydalara əməl etmədiyi təqdirdə proqram mağazalarından xaric ediləcəyini açıqlayıblar.
Turan İSMAYIL
